王祖藍生日扮梁朝wear

【東方日報專訊】一月九日正日生日的王祖藍，前晚與生得如餅印般的母親、胞妹，以及一班好友在上海菜館慶祝生日。雖然祖藍喉嚨生繭，但仍滔滔不絕談近況及講爛gag，名副其實是眾人的開心果。他笑謂：「我已經連續一個禮拜好細聲咁講o野，但真係唔慣把聲咁沉，搞到down咗好耐。今日難得見到咁多好朋友，幾大都講到夠，就破戒一晚咁多啦！」

王祖藍收到友人送上的手錶時，除了搞笑地拿出紙巾扮喊扮感動外，還立即戴上扮梁朝偉，雖然眼神有七分相似，但由於外形與偉仔相差太遠，即遭友人取笑為梁朝「wear」。問到祖藍生日願望是甚麼，他竟出人意表的說：「我希望下年許o既願望唔好係今年o既願望。（咁深奧？）即係代表今年o既願望已經實現咗咯！（即係咩願望？）有時啲嘢保持神秘感好o的，嘻嘻！」

王祖藍扮梁朝偉大擺甫士，笑煞全場。