誓言戒掉遲到陋習 王祖藍洗衰氣接金鼠

農曆新年將至，想起四處利是就固然開心，但一提到「年廿八，洗邋遢」，亦即時令人煩惱不已呢！王祖藍表示自己都有「年廿八，洗邋遢」的習慣，更笑言自己都是一個「垃圾佬」，房間堆積不少雜物。就讓我們於年廿八，一早提醒王祖藍先洗乾淨所有底衫褲，為迎接鼠年做好準備啦！

王祖藍跟家人同住，每逢年廿八或之前，祖藍都會自動自覺加入洗邋遢行列。他說：「其實我都覺得有需要，間屋就跟人一樣，每一年都會積埋積埋好多嘢。如果你可以清咗間屋嘅雜物，就好似連個人嘅垃圾都清埋一樣。」不過祖藍透露自己並不多做家務：「或者我可以抹窗，我媽咪已經做晒其他嘅家務囉！」

跟祖藍談到是否一個不愛掉東西的人，他沉思一會後，用「劉華」（《同事三分親》）的聲綫說：「其實我係一個唔掉嘢嘅人，都算係一個愛儲垃圾嘅人。」他舉例謂，例如出席一個公開活動，就拿一些有紀念價值的物件。又或者每年都有好幾個好友寄賀卡給他，他說：「咁就自自然然會儲埋一大堆，不過自己諗真啲，其實我都成日會見到佢哋口架啦，不如掉咗去！」而時近新年，祖藍已經抽出時間清理房間：「望落去已經企理好多啦！」

當由零開始

祖藍去年的成績不俗，於劇集《同事三分親》中飾演「劉華」，將其搞笑才華發揮得淋漓盡致。又在台慶夜扮演不同歌手在台上載歌載舞，其蔡依林扮相更令不少觀眾捧腹大笑。獲得的認同愈多，成績愈好，對祖藍來說，壓力也愈大：「雖然來年工作已排得密密麻麻，好似有劇集、獎門人同電影等等。不過自己嘅壓力就愈來愈大，其實我已經同身邊的好朋友傾訴過。來年我會當自己由零開始，因為這樣想就有更大嘅動力！」此外，祖藍更希望於鼠年改好自己的壞習慣：「都係遲到啦！就好似拍《同》劇咁，因為劉華個頭唔需要髮型師整，自己就成日好遲先入廠。」

洗底除陋習

　　文：駱震寧 圖：莫慶輝 化妝：Chris Chung

　　髮型：Sovy Make Up & Nail Studio

　　■搞笑的祖藍一鼓作氣，決心要將衣服洗乾淨。

　　■祖藍祝讀者一本萬利。

　　■剛剛開始，雙手仍然甚有力，扭乾衣服也快一些。

　　■洗至中途已經「頂唔順」，面露痛苦表情。

　　■洗吓洗吓，還開始感到有點累，打呵欠好眼瞓。

　　■終於洗完，當然要掛起所有濕衣服啦。

　　■王祖藍果然是搞笑能手，拍攝期間表情多多。

紅包藏金句

王祖藍是一名基督徒，其實基督徒過新年跟我們都有一點點分別。他表示，每逢新年都會約一大班弟兄姊妹，到牧師或長輩的家中團拜。他說：「其實大致上都無咩分別！不過係喺利是入面，除咗錢之外，好多時都會有一張金句卡。而揮春就未必係龍馬精神咁，可能係神與我同在。」