戴假髮玩出禍 王祖藍扮阿婆累阿媽被誤會

王祖藍反串扮蔡依林搞笑版令佢成功出位，工作量不斷增加，估唔到有次佢扮阿婆拍野，搞到佢阿媽畀人誤會！SoSo姐以為佢畀人投訴乜啦，祖藍話原來係佢戴假髮扮阿婆出事，因為佢同阿媽生到成個餅印一樣，搞到有親戚誤會王媽媽出埋鏡，客串做阿婆，係咁問佢阿媽過明星癮好唔好玩？祖藍聽完不停咁笑，反而佢阿媽就好唔慣，驚畀人以為幾十歲人仲發明星夢！不過祖藍話佢阿媽都係哦佐一陣，因為佢知道做娛樂圈最緊要有話題，畀人當透明咪仲冇癮。

接受批評努力改善
祖藍話有時上網睇到網友好無情咁批評佢，但有好的意見都會照單全收，但太過分的人身攻擊就唔理，佢話試過有網友砜討論區度，大肆批評佢都可以出碟真係冇天理，仲拉埋佢阿媽落水係咁踩，祖藍話佢一點都冇激氣，只係當古仔咁睇完就算，因為佢覺得呢個世界好難叫人人都鍾意你，呢o的咁o既負面批評，有道理o既就努力改善，冇道理o既就一於當佢唱歌，唔係o既話做人就太過辛苦，為佐呢o的無聊話搞到自己心情唔好，影響埋演出就仲唔抵！