陳木勝怨爆難度期 王祖藍Fight低古仔最大牌

王祖藍（右）的出現，為電影帶來不少歡樂，中和緊張壓迫感。

嘻哈一輪後，陳木勝（左）與演員睇Playback檢討效果。

陳木勝執導的英皇電影《保持通話》，監督來自中港台的劉燁、古天樂（古仔）及徐熙媛，不過最難操控的竟是影壇新貴王祖藍，還爆其檔期極為難度，曾考慮另覓人選！

由於新片有很多動作場面，令觀眾看得透不過氣來，導演特別加插一些搞笑場面緩和氣氛，而這場重頭戲落在王祖藍身上。陳木勝坦言事前沒想過找他演出，但在女兒及副導演的極力推薦下才起用他：「最初同王祖藍度期，佢竟然話要半個月後先有期畀我，佢個期仲難度過古天樂同徐熙媛，我真係諗過唔用佢o架！後來都係決定等埋佢，半個月後我預備佐一間電話公司取景，點知佢只係畀佐一晚我，搞到我要搵另一個地方搭番同一個景拍，成套戲最大牌原來係佢！」

盛讚徐熙媛
不過對於祖藍的表現，陳木勝即大讚：「佢做一個香港售貨員，我叫佢試幾個類型畀我睇，佢示範得好好，冇令我失望！事後佢解釋因為要遷就電視台個期，又要夾錄節目，所以先咁難度期！」另外，對於搵徐熙媛做女主角，陳木勝表示她外形和演出比較軟弱，很適合角色：「雖然拍攝期間，佢皐皐同男友分手，不過冇影響演出，仲表現得好好，真係好專業！」